వేదనా భరితం

అక్కడ ఎర్రని మంటల్లో
ఒకడు కాలి బూడిదౌతున్నాడు.. 

ఇక్కడ ఆకలి ఆక్రందనల్లో
ఒకడు కరిగి కన్నీరౌతున్నాడు..  

అక్కడ కొందరు చిత్తుగా తాగి
మత్తులో మునిగితేలుతున్నారు.. 

ఇక్కడ కొందరు గమ్మత్తుగా చేరి 
చలోక్తులు విసురుతున్నారు..

ఓ వయసుమళ్లిన స్త్రీ 
ప్రసవ వేదన పడుతోంది..

ఓ పసికూన సూర్యోదయానికై 
ఓపిగ్గా ఎదురుచూస్తోంది.. 

కాలం బాధగా మూలుగుతోంది!
చట్టం తనపని తాను చేసుకుపోతోంది!!