అణచివేత

హృదయవిదారకంగా పేలిన తుపాకి శబ్దం - 
పక్షి గుంపొకటి ఎగిరిపోయింది...

విసురుగా తీరంతాకిన అలల తాకిడి -  
ఇసుక గూడొకటి  కరిగిపోయింది...

కర్కశంగా హూంకరించిన గద్దింపు -   
పసి హృదయమొకటి మూగబోయింది...

రాక్షస గుండెలు వేసిన గొడ్డలి వేటు -  
పచ్చని చెట్టొకటి కూలిపోయింది...

కామాంధులు సలిపిన ఘోర కలి - 
అమాయక ప్రాణొకటి బలైపోయింది...

మతోన్మాదులు  జరిపిన విధ్వంస కాండ -  
ప్రశాంతమైన ఊరొకటి చెదిరిపోయింది...

పాశవికతదే పైచేయి...
అమాయకత్వమింకా అణచివేయబడుతూనేవుంది!