నాన్న నాతోనే..

నా చేతులు పట్టుకొని
నడక నేర్పిన నాన్న
భుజాలమీద ఎక్కించుకొని
నన్ను ఆడించిన నాన్న
నాకు జ్వరమొస్తే
కలవరపడిన నాన్న
నేను కంటనీరు పెట్టినప్పుడు
కన్నీరు తుడిచి ఓదార్చిన నాన్న
నేను సంతోషపడినప్పుడు
నాకంటే ఎక్కువ సంతోషించిన నాన్న
నాకళ్లలో ఎప్పుడూ ఆనందం
చూడాలనుకున్న నాన్న -
ఈ రోజు నా కళ్లముందు లేకుంటే
నేనెంత ఎత్తు ఎదిగినా
ఏదో తెలియని బాధ
గుండెను తొలిచేస్తుంటే..
నాన్న ఎక్కడ్నుంచో నన్ను
చూస్తూనే ఉన్నాడన్న
ఒక చిన్న నమ్మకం
నన్ను ఇంకా ముందుకు నడిపిస్తుంది
నాన్న నన్ను వీడినా
నాన్న జ్ఞాపకాలు నాతోనే
నాన్న ఆశీస్సులు నావెంటే!