నేను మారిపోయానా?

ఒక రోజు
పొద్దున్నే నిద్రలేచి
అద్దం ఎదురుగా నిలబడ్డా -
ఆశ్చర్యం!!!
అద్దంలో కనపడేది
నేను కాదు -
ఇంకెవరో...
మొహం కొంచెం క్రూరంగా
నల్లగా, కళ్లు ఎర్రగా...
ఎవరది???
నేనెపుడూ అలా లేనే..
అలా ఏనాడూ కనిపించాలనుకో లేదే -
అద్దాన్ని తుడిచాను..
కళ్లు నులుముకొని చూశాను
ఊహూ...
అదే ప్రతిబింబం
నాకు అర్థం కాలేదు -
నాకేమయింది?
నేను మారిపోయానా?
నిజంగా అలా పరివర్తన చెందానా??
ఏమో నాకు తెలీదు!
ఏమో నాకు తెలీదు!!