అంకురం

బండరాళ్ళను చీల్చుకొని
పచ్చగా మొలిచిన
గడ్డి పరకలు..!
విజ్ఞతను అణగదొక్కాలని చూసే
మూర్ఖ లోకానికి
గట్టి చురకలు..!!
 

ఆలోచనా ప్రవాహం

ఆగని ప్రవాహంలా
మెదడులోంచి జారుతున్న
తరగని ఆలోచనలు...
రైలుపెట్టెలో కూర్చుని
ముందుకు సాగిపోతుంటే
వేగంగా వెనక్కు పరుగెత్తే
చెట్లూ గుట్టల్లా...!

తెలుగు వెలుగు

తెలుగు భాష తీయదనం,
తెలుగు జాతి పౌరుషం,
తెలుగు సంస్కృతి గొప్పదనం,

వర్ధిల్లు దినదినం..
సూర్యచంద్రులు

ఉన్నంత కాలం..!

                

స్వయంకృతం

పెంచుకుంటూపోతే
పెరిగేది బంధం!
తుంచుకుంటూపోతే
మిగిలేది భేదం!!
పంచుకుంటూపోతే
పెరిగేది మోదం!
ఎంచుకుంటూపోతే
మిగిలేది ఖేదం!!

గ్రహణం

అదుపుతప్పిన ఆగ్రహానికి
నేలకొరిగిన విగ్రహాలు!
మచ్చలేని తెలుగు జాతిని
పట్టి పీడిస్తున్నాయి కొన్ని
దుష్ట  గ్రహాలు!!! 

జ్ఞానోదయం

కలిసుంటే లేదు సుఖం
విడిపోతే అంతా బలం
ఎంత గొప్ప సిద్ధాంతం -
ఇక తిరగ రాద్దాం...
తరతరాల వృత్తాంతం!

ఆడపిల్ల

 కనీసం...
 తొమ్మిది నెలలైనా
 ఈ భారాన్ని
 నీ కడుపులో పెట్టుకొని
 మోసినందుకు
 నీకు కృతజ్ఞతలమ్మా!