నిలబడి ఉంది
దశాబ్దాలుగా...
నిశ్శబ్దంగా...
ఎన్ని తరాలను చూసింది
ఎంతమందికి తన నీడలో చోటిచ్చింది
స్నేహితులు...
ప్రేమ జంటలు...
అలసట తీర్చుకొనే వాళ్లు...
ఆనందంగా కబుర్లు చెప్పుకొనే వాళ్లు...
అలా ఎందరో -
తమ మజిలీ ముగించుకొని వెళ్లిపోయి
ఎప్పటికో తిరిగివచ్చి
గతస్మృతులను నెమరువేసుకొనే వాళ్లను చూసి
ఆ చెట్టుపొందే ఆనందం...
ఏ బంధానికీ తీసిపోని బాంధవ్యం..
చెట్టుకూ మనిషికీ ఉన్న అనుబంధం -
కంటికి చెమ్మలా..
గొంతుకు పూడికలా..
హృదయానికి ఆర్ద్రతలా..
ఎప్పటికీ అక్కడే నిలబడి ఉంటుంది
ఆ చెట్టు మన జ్ఞాపకాలకు గుర్తుగా!
No comments:
Post a Comment