30 January 2013

అభయం

ఆశల వెలుగుల తారాజువ్వలు
వెలిగించుకుంటూ
ముందుకు సాగుతున్నదొక పడతి
అదే తను చేసిన నేరమేమో ?
చీకటి రక్కసి కోరలు విసిరింది
కామసర్పాల క్రూరానికి బలిచేసింది
ఆరుతున్న దీపం-
మరుగుతున్న రక్తం-
అడ్డుపడింది..
ఆక్రోశించింది..
కామాంధుల క్రోధానికి
కమిలింది..కుమిలింది..
కడదాకా పోరాడి ఓడింది
పాపం ఎంత భయపడిందో..?
ఎన్ని ఆక్రందనలు చేసిందో..?
ఒక జాతి జాతి ఒణికింది
ఆవేశం ఉరికింది,
ఆవేదన పెల్లుబికింది..
నిర్భయానికి అభయమిచ్చింది..
నిర్లజ్జ నిర్మూలనకు కంకణం కట్టింది..
నీచ నికృష్టులకు ఉరే సరంది-
అమలవుతుందో లేదో మరి?
చట్టాల చట్రాలలో
నిజం నిర్వీర్యమై నలిగి పోతుందో..?
నిప్పు కణికలా రగిలి
పాపాన్ని తుదముట్టిస్తుందో
..???

No comments:

Post a Comment