అక్కడ ఇంకా ఎవరో వెక్కి వెక్కి ఏడుస్తున్న శబ్దం -
ఆగి ఆగి చెవులను తాకుతున్న రోదన
గుండెని పిండేస్తూ...
మెదడును తొలిచేస్తూ...
ఆ ఏడుపు నేపథ్యంలో..
ఎక్కడో..దూరంగా...
కొన్ని మనసులు చేస్తున్న సంతోషపు సందడి
కొన్ని హృదయాలు పెనవేసుకుంటున్న దృశ్య సవ్వడి
నవ్వులూ..కేరింతలూ..
శ్రావ్యంగా వినిపిస్తున్న జీవనాలాపన -
అంతలోనే ఏవో రాక్షస మూకలు
భీకరంగా అరుస్తూ చేస్తున్న వికటాట్టహాసాలు..
తెగుతున్న తలల హాహాకారాలు..
నేలకొరుగుతున్న శవాల నిట్టూర్పులు..
అటువైపు నడచినప్పుడల్లా
లీలగా వినిపించే ఆ శోక గీతాలు..
జాలిగా ప్రవహించే ఆ ఆర్తనాదాలు..
ఏ అనాగరిక చేష్టల చిహ్నాలో..?
ఏ అకృత్య చర్యల అవశేషాలో..??
No comments:
Post a Comment