చరిత్ర లేని సామాన్యుడు

గతాన్ని తవ్వుకుంటూ పోతే
జ్ఞాపకాల శిథిలాలు
బయటపడుతూ పోతాయ్‌
ఆశిథిలాలకింద నలిగి
నుజ్జు నుజ్జైన చరిత్ర పుటలు
తిరిగి రాయబడతాయ్‌
ఏ సింహాసనం ఎంత గొప్పదో
ఏ రాజ్యం ఎంత పెద్దదో
ఎవరి ప్రేమ వ్యవహారం
ఎన్ని మలుపులు తిరిగిందో
ఏ గోపురం ఎవరు కట్టించారో
ఏ కోటను ఎవరు కూల్చారో
ఒకదాని వెంట ఒకటి
గిర్రున తిరుగుతాయ్‌ -

ఏ యుద్ధంలో ఎంతమంది మరణించారో
ఏ రాజు ఎవరిని ఓడించాడో
అన్నీ కళ్లముందు కనబడతాయ్‌ -
కానీ బయటపడంది ఒక్కటే...
తరతరాల రాజ్య కాంక్షలో
నరనరాల  మృగతృష్ణలో
నేలకొరిగిన సైనికుల స్వగతం..
సమిధలైన సామాన్యుల జీవితం!