నోట్‌ ది పాయింట్‌

     అర్థరాత్రి
     ఉన్నట్టుండి
     మెలకువ వస్తుంది
     ఇక నిద్రపట్టదు
     ఏవేవో ఆలోచనలు -
     ఒకదాని తరువాత ఒకటి
     పుట్టలోంచి వస్తున్న చీమల్లా
     ఆరోజు చెయ్యలేక పోయిన పనులు..
     పొద్దున్నే లేచి చెయ్యాల్సినవి..
     ఇలా ఎన్నో...
     అంతా గజిబిజి
     జుట్టు పీక్కోవాలనిపిస్తుంది
     అనిపించడం ఏమిటి
     అలా ఎంత జుట్టు ఊడిపోయిందో..
     అయ్యో..ఏం చెయ్యను....?
     భగవంతుడా నువ్వే దిక్కు -
     పడుకునేముందే చెయ్యాల్సిన పన్లన్నీ
     ఓ చిన్న నోట్‌ బుక్‌ లో
     రాసుకు పడుకుంటే ఈ బాధుండదుగా!