మనుషులంతా ఒక్కటే

నీ చేతుల్లో ఉందా నీ పుట్టుక
మతం  పేరుతో ఎందుకు చస్తున్నామిలా కొట్టుక
రాముడూ దేవుడే కదా రహీములా
మరి నీకూ నాకూ భేదాలెందుకిలా
చచ్చింతరవాత తెలీదు పొయ్యేదెక్కడికో
దేవుడు సొంతం కాదు ఏ ఒక్కడికో
నువ్వు నేను వేరనుటకు కారణాలెన్నో
మతం ముసుగులో లోకం చేసే తప్పులు ఎన్నెన్నో
ఇకనైనా మేలుకుందాం..మమతలను పెంచుకుందాం
అందరి రక్తం ఎరుపైనప్పుడు
మనసుకు ఏ రంగులూ లేనప్పుడు
ఎందుకు మనకీ కుల మతాల చిచ్చు ?
అందరమొకటై ఆపుదాం ఇప్పుడైనా ఈ కార్చిచ్చు!