కల-జీవితం

ఎంత అందమైన కల?
తీయని స్వప్న లోకాలలో
తేలిపోతూ
మధురమైన భావాలలో
మునిగిపోతూ
ఆనందపు శిఖరాలను
అందుకుంటూ
ఏవో తెలియని ఊహలలో
విహరిస్తూ -
ఎంత సుందరమైన కల...
ఆరేయి తెల్లవారకపోతే
ఎంత బాగుండేది
ఆ నిద్ర వీడకపోతే
ఎంత హాయిగా ఉండేది
అంతా నా భ్రమ -
కాకపోతే..
కలలు శాశ్వతమా?
అలాగని కళ్లముందు
కనిపించేది మాత్రం
కలకాలం ఉంటుందా?
ఏదీ శాశ్వతం కాదు
నిద్రలో కలలెంతో
ఈ జీవితమూ అంతే
కన్నుమూసి తెరచినంతసేపే
కలైనా..జీవితమైనా!