ఎగిరే గాలి పటాలు
కొందరి జీవితాలు
అవి ఎగరాలా లేదాఅనే నిర్ణయం
వాళ్ల చేతుల్లో ఉండదు
గాలిపటం ఎగరడానికి
ఆధారమైన దారం
మరెవరిదగ్గరో ఉంటుంది
దారాన్ని లాగేవాడి
అనుభవం, ఆలోచన మీదే
ఆ జీవితాలు వేళ్ళాడుతుంటాయి
ఎప్పుడు పైకెగరాలో
ఎందుకు కిందకు జారాలో
వాళ్లకు తెలీదు
చేతులో ఉన్న దారం వదిలేస్తే
ఆ గాలిపటాలు
ఎటు కొట్టుకుపోతాయో
ఎక్కడ చిక్కుకుపోతాయో
అంతకన్నా అర్థం కాదు-
ఆ జీవితాలంతే...
ఎవరి చేతుల్లో పడాలనేది
కాలమే నిర్ణయిస్తుంది!
No comments:
Post a Comment