01 October 2011

ఫాల్స్‌ ప్రెస్టిజ్‌

వాడెప్పుడూ
వాడిదికాని ఓ వ్యక్తిత్వాన్ని
తన వళ్లంతా కప్పుకు తిరుగుతుంటాడు
వాడికి తనకంటే
తనదికాని ఆ వ్యక్తిత్వమంటేనే మక్కువ ఎక్కువ
వాడెక్కడికెళ్లినా
ఆ వ్యక్తిత్వం వాడివెంటే...
వాడు తననైనా మర్చిపోతాడేమోగాని
తనపై ఉన్న వ్యక్తిత్వాన్ని మాత్రం
ఎప్పుడూ వదిలి పట్టడు
వాడికి తనేమైపోయినా ఫరవాలేదు
ఆ వ్యక్తిత్వానికి ఎటువంటి కష్టమూ
రానీయడు
అసలో..ఫాల్సో...
వాడికి తన అంతరాత్మకన్నా
తనపై సవారీ చేస్తున్న
ఆ వ్యక్తిత్వమే ముఖ్యం!

No comments:

Post a Comment