07 October 2011

ఈ ప్రకృతిలో కృతినై...

ఎన్నో రంగుల కలబోత
ఈ ప్రకృతి మాత -
పసుపు..ఆకుపచ్చ..
ఎరుపు..నీలం..
తెలుపు..నలుపు..
ఇంకా ఎన్నో...
ఎన్నెన్నో వర్ణాల మేలు కలయిక..
ఈ సుందర సుమనోహర
చైతన్య దీపిక -
ఆ పసుపు రంగును ఆస్వాదించి
ఆకుపచ్చతో వళ్లంతా
నలుగుపెట్టుకోవాలనుంది
ఆ ఎరుపు రంగులో తన్మయించి
నీలవర్ణంలో స్నానమాడాలనుంది
ఆ తెలుపులో తాథాత్మ్యం చెంది
నలుపులో నా అజ్ఞానాన్ని
మిళితం చేయాలనుంది..
ఈ ప్రకృతి ప్రతి అణువులో రేణువునై 
దానిలో లీనమవ్వాలనుంది!

No comments:

Post a Comment