06 August 2011

శ్రీవారికి శుభ లేఖ

నువ్వు నన్ను
ప్రేమిస్తున్నావని
నాకు తెలీదనుకున్నావు కదూ!
నువ్వు నాకోసం పడే ఆరాటం..
నేను ఒక్కరోజు కనిపించకపోతే
నీ మొహంలో కనిపించే నిరాశా..
నీ ప్రేమను నాకెలా చెప్పాలో,
చెబితే ఏమంటానో,
చెప్పకపోతే ఏమౌతుందోనని
నువ్వు సతమతమవడం -
అన్నీ నాకు తెలుసు
అమాయక ప్రేమ చక్రవర్తీ..
నువ్వు నన్నెంతగా ప్రేమించావో
నేన్నిన్నంతకురెండింతలుగా
ప్రేమించాను తెలుసా
నువ్వే చెప్తావేమోనని
ఎంత ఎదురు చూశాను -
ఊహూ..అంత ధైర్యం కూడానా..
నేనే ఎదోలా మావాళ్లకు చెప్పి
మీ అమ్మా నాన్నలతో
మన పెళ్లి విషయం మాట్లాడ్డానికి
పంపించ బట్టి సరిపోయింది..
లేదంటే..'మనసొకరితో మనువొకరితో'అంటూ
మన ఆత్మ కథలు మనమే
రాసుకోవలసి వచ్చేది!!!

No comments:

Post a Comment