21 August 2011

సంఘర్షణ

జ్వలిస్తున్న సంఘర్షణ
గుండెలపై రగులుతున్న కుంపటిలా -
ఎన్ని ఆలోచనలు కుమ్మరించినా
ఆరని మంట
ఆగని సెగ -
దారిమళ్లించేందుకు చేసిన
విఫల యత్నం..
పదే పదే చెవుల్లో గింగురుమంటున్న
ఆక్రందనల ఘోష..
పంచేంద్రియాలను నిద్రింపచేసినా
పంచభూతాల సాక్షిగా
ఎగసిపడుతున్న అలల గర్జన..
తూర్పున ఉదయించిన అరుణ కిరణం
పడమట కనుమరుగవుతుందే కాని
నా హృదయాక్షంలో జన్మించిన
బడబాగ్ని నిలబడదు
నన్ను నిలువునా దహించేంత వరకు -
అయినా నాకు భయం లేదు...
నాలో మండే నిప్పుల కొలిమిలోకి
నా ఊపిరి తిత్తుల నిండా
గాలి పీల్చుకొని ఊదుతూనే ఉంటా!!

No comments:

Post a Comment