ఒక్కొక్కసారి
నేనేదో పనిలో ఉంటా
టక్కున స్పురిస్తుంది -
ఇంకోసారి
ఊహా ప్రయాణంలొ ఉన్నప్పుడు
మదిని తాకుతుంది -
మరోసారి
కవన పారాయణంలో
నిమజ్ఞమైనప్పుడు
తటాలున మెదులుతుంది -
అప్పుడప్పుడైతే...
ఓ తల్లి ఆక్రందనల అనంతరం
ప్రసవ వేదన నుండి
జన్మించిన శిశువులా
అతికష్టంగా
బయటపడుతుంది...
అనేక సందర్భాల్లో ఇలా
నా అంతరాళాల్లో
అంతర్ధానంగా ఉన్న
అంతరంగం అంతర్మథనం చెంది
కవితావస్తువుగా
రూపాంతరం పొంది
వెలివడుతుంది
నాలో ఎనలేని
అనందాన్ని నింపుతూ!!
nice one.....
ReplyDeletethank you హను..
ReplyDelete