21 August 2011

ఇదేనా జీవితం?

ప్రవహించే
ఓ సుందరస్వప్నంలాంటి
జీవన స్రవంతి -

ఆ ప్రవాహంలో
ఎన్నో ఊహించని మలుపులు -
కారు మేఘాలూ..
కలవరపరచే కాల సర్పాలూ..
కాలాన్ని శ్వాసించలేని క్షణాలు
కాలం నిమంత్రించే చేదునిజాలు-
నిద్రిస్తున్న ప్రతి నిమిషం
మెలుకువలోనే గడిపేస్తూ
రాత్రంతా వెలుతురు రాగం పాడుకుంటూ
ఉదయాన్నే నిస్పృహలను పక్కకు నెట్టుకుంటూ
సూర్యుడ్ని మళ్లీ మండించుకుంటూ
పరుగెడుతున్న ఆలోచనలను మళ్లించుకుంటూ
జీవితాన్ని సవరించు కుంటూ
సాగదీసుకుంటూ..సానబెట్టుకుంటూ
నిశీథిలోకి నిశ్శబ్ద ప్రయాణం!!

No comments:

Post a Comment