ఎప్పటికీ సూటిగానే
పయనించలేవు
వేగంగా ప్రవహించే నదులు
ఎన్నెన్నో మలుపులు తిరక్కుండా
ముందుకు సాగలేవు
ఆలోచనా సరళి
ఎప్పుడూ ఒకేలా ఉండదు
ప్రసరించే కాంతి
ఎన్నో వంకర్లు పోక తప్పదు
మనం పీల్చిన గాలి
ఎన్ని ప్రాంతాలకు వ్యాపిస్తుందో!
ఏ కొమ్మలు ఎటు పెరిగినా
ఏ వేళ్ళు ఎంత ప్రాకినా
స్థిరత్వం కోసమేగా ఈ ప్రాకులాటంతా..!
ఈ అంతులేని సృష్టిలో
అస్థిర ప్రేరకాలు అనంతమైతే
అస్థిరత్వమే స్థిరత్వం -
ప్రక్క తోవలు పట్టడమే సరళం -
నదులెన్ని మలుపులు తిరిగినా
చివరకు కలిసేది సముద్రంలోనే!
ఆలోచనలెన్ని పుంతలు తొక్కినా
కడకు అంతమయేది అక్షరంలోనే!!
No comments:
Post a Comment