కొలిమిలా మండుతుంది
చుర చుర లాడే వేడి,
భగ్గుమనే సెగ,
తనువంతా ఎండిపోతూ..
నాలుక ఆరిపోతూ..
వంట్లోని శక్తంతా
హరించుకు పోతూ..
కళ్లు బైర్లు కమ్ముతూ..
అడుగుతీసి అడుగు
వేయలేకపోతూ..
నేలకు ఒరిగిపోతున్న
సమయంలో -
టప్పున మీద పడిందొక
నీటి బొట్టు ఆకాశంలోంచి -
హిమనీ నదాల చల్లదనం
నరనరాల్లో ప్రాకుతూ..
అణువణువూ ప్రవహిస్తూ..
హాయిని కురిపిస్తూ..
వెళ్లిపోతున్న శక్తిని
వెనక్కు మళ్లిస్తూ..
పెదవులపై చిరునవ్వును వెలిగిస్తూ..
మదిలో ఆనందం చిందిస్తూ..!
No comments:
Post a Comment