19 February 2013

జీవన యానం

ఆకాశం ఒక్కసారిగా
ఫెళ్లున విరిగి మీద పడింది -
సముద్రం అమాంతం  ఉప్పొంగి 
సునామీలా ఒక్క ఉదుటున తాకింది -
నిలబడ్డచోటే నేల చీలిపోయి
పాతాళానికి తోసేసింది -
భయంకరమైన శబ్దం చేస్తూ
సుడిగాలి రివ్వున చుట్టేసింది -
రెప్పపాటులో అగ్నిపర్వతం బద్దలై
ఎర్రని లావాతో ముంచెత్తింది -
ఇదంతా నిజమా..కలా..?
కలకాదు..నిజమే...
ఈ భయంకరమైన విపత్తులో
చిక్కుకున్నది వాస్తవమే..
ఈ చెఱలోనుండి తప్పించుకోవడం సాధ్యమేనా?
ఎలా బయటపడ్డం?
నీ ఇనుప కండరాలను బిగించు..
నీ ఉక్కు నరాలను సంధించు.. 
నీ మనోధైర్యం ముందు ఏ శక్తి నిలబడగలదు?
నీ దృఢసంకల్పంతో ఏ మహత్తు తలపడగలదు? 
నీలో దాగున్న శక్తికి నీ ఆత్మవిశ్వాసం తోడైతే
ఈ లోకమే అనదా నీకు దాసోహం..!
నీ జీవితమే కాదా ఒక అద్భుత పయనం..!! 

2 comments:

  1. నీ మనోధైర్యం ముందు ఏ శక్తి నిలబడగలదు?
    నీ దృఢసంకల్పంతో ఏ మహత్తు తలపడగలదు?
    నీలో దాగున్న శక్తికి నీ ఆత్మవిశ్వాసం తోడైతే
    ఈ లోకమే అనదా నీకు దాసోహం..!
    Inspiring lines....

    ReplyDelete
    Replies
    1. ధన్యవాదాలు Padmarpita గారు..

      Delete