14 April 2011

మంచికి లోకం దాసోహం

రాముడు, కృష్ణుడు దేవుళ్లు
మనమంతా మనుషులం-
దేవుళ్లకీ మనిషికీ
ఏమిటీ తేడా?
ఏ తప్పూ చేయని వాడే దేవుడైతే
మరి తప్పు చేయడానికే మనిషా?
రాముడు ఆ తప్పు చేశాడూ
కృష్ణుడు ఈ తప్పు చేశాడూ
వాళ్లెలా దేవుళ్లవుతారూ అని
మనం దేవుళ్లను నిలదీస్తున్నాం
ఒకటీ రెండు తప్పులకే
దేవుళ్లు దైవత్వాన్ని కోల్పోతే
రోజుకు వంద తప్పులు చేసే మనిషి
తన మానవత్వాన్ని పోగొట్టుకోలేదా?
మనిషితత్వం విడిచిపెట్టలేదా?
మనిషి మనిషిగానే మిగలనప్పుడు
మానవత్వం మచ్చుకైనా కనిపించనప్పుడు
దేవుణ్ణి తప్పు పట్టే హక్కు
మనిషికి దక్కుతుందా?
అలాగే -
మనిషి మనిషిగా మారినప్పుడు
మంచితనం, మానవత్వం
నిండుగా పెంచినప్పుడు
ఆ దేవుడికైనా....
మనిషికి దాసోహం అనక తప్పుతుందా??

2 comments:

  1. చిలమకూరు విజయమోహన్ గారు, మీ స్పందనకు చాలా ధన్యవాదాలండీ.

    ReplyDelete