ఇక్కడ ముళ్ల పొదలు
దట్టంగా పెరిగి ఉన్నాయ్-
నామార్గం సుగమం కాదు,
ఇది దుర్భేద్యమైన కీకారణ్యం-
ఇక్కడ కాలకూట సర్పాలూ
పదునెక్కిన చురకత్తులూ
అడుగడుగునా
అడ్డుపడుతుంటాయ్-
అయినా ఆగదు నా ప్రస్థానం
ముళ్లపొదల్నితెగనరుక్కుంటూ
కాలసర్పాల్ని కత్తిరించుకుంటూ
చురకత్తుల్ని తుత్తునియలు చేసుకుంటూ
నా బాట నేనే వేసుకుంటూ
ముందుకు సాగిపోతా!
కొన ఊపిరితోనైనా సరే
నా గమ్యం చేరుకుంటా!!
విజయ పతాకాన్ని ఎగురవేస్తా!!!
No comments:
Post a Comment