నేస్తమా..వింటున్నావా?

ఓ నేస్తమా!
బాగున్నావా?
ఈ సమయంలో ఎం చేస్తున్నావో?
నేనైతే నీ అలోచనలతో
సతమతమవుతూ ఉన్నాను
నాకైతే నిన్ను తలచుకోని
క్షణమే లేదంటే నమ్ము!
నీకింకో విషయం చెప్పనా...?
నాక్కావలసినప్పుడల్లా
నీతో మాట్లాడుతూ ఉంటాను -
నిన్నే చూస్తూ.....
నీ ప్రతి కదలికనూ గమనిస్తూ....
నీతో గంటలకొద్దీ గడుపుతాను -
నీకివేం తెలీదు కదూ!
అవున్లే...!
నీకంత తీరికెక్కడ?
నీకోసం అహర్నిశలూ పరితపిస్తూ

నీ పేరే అనుక్షణం జపిస్తూ
నా ప్రతి ఊహలో, ఆశలో, ఆలోచనలో
నిన్నే మోస్తూ, నీకై తపిస్తూ
ఇక్కడొక జీవి చస్తూ బ్రతుకుతుందని
నీకెక్కడ ఎరుక...?
నీకు వీలైతే...
నీకు తీరిక దొరికితే...
నీ స్మృతి పథంలో నేనెప్పుడైనా
తళుక్కున మెరిస్తే...
ఒక్క క్షణం నాగురించి ఆలోచిస్తావు కదూ!
నా హృదయరాగ తరంగాలకు
ఒక్కసారి స్పందిస్తావు కదూ!!